Dende a UGT A Coruña e Cee facemos un chamamento a todas as persoas afiliadas a saír á rúa o 8 de marzo e a participar en todas as actividades organizadas para conmemorar este día.

Así mesmo, os actos previstos na Unión Comarcal terán lugar o venres 6 de marzo:

11:30 - Lectura do manifesto. Acto conxunto con CCOO na Praza das Cigarreiras na Coruña.

12:30 - Entrega do premio "Distinción muller traballadora" no salón de actos da planta baixa da Sede de UGT na Coruña.

De cara ao 8 de marzo, UGT e CCOO fixaron as seguintes prioridades: elevar o salario mínimo ata o 60 % do salario medio; esixir que todas as políticas públicas incorporen unha perspectiva de xénero; reforzar as políticas activas de emprego con perspectiva de xénero; esixir o cumprimento total dos plans de igualdade tal e como esixe a lei; activar o diálogo social para transpoñer as directivas pendentes, incluídas as de transparencia salarial e violencia contra as mulleres; e reducir a xornada laboral sen redución salarial, ata un máximo de 37,5 horas semanais. Esixir unha política integral de coidados, con políticas de corresponsabilidade efectivas, e dignificar e revalorizar social e economicamente o traballo do sector dos coidados; erradicar todas as formas e manifestacións de violencia machista; garantir o dereito efectivo ao aborto; e esixir ás forzas parlamentarias democráticas garantías de que non haberá retrocesos nos dereitos das mulleres nin avances na igualdade.

∗ Manifesto completo