Os datos de paro rexistrado e a afiliación á Seguridade Social de agosto, amosan un aumento das persoas rexistradas como desempregadas e un aumento das persoas afiliadas con respecto a xullo; unha tendencia habitual nos meses de agosto, coincidindo co período estival e co peche de moitas empresas por vacacións. 

Así, o paro rexistrado aumenta este mes en 329 persoas, ata un total de 47.118. No que respecta á afiliación, aumentou este mes en 40 persoas, rexistrando un total de 473.832 persoas afiliadas. Con respecto ao ano pasado, hai 4.409 persoas menos paradas e 9.798 persoas afiliadas á Seguridade Social máis.

En canto á contratación, neste mes rexistráronse un total de 26.464 contratos, dos que 6.703 son indefinidos. Isto supón o 25,3% da contratación.

Polo tanto, non cabe dúbida de que a reforma laboral marcou un antes e un despois en canto á calidade do emprego, mantendo a temporalidade estruturalmente en niveis moi inferiores aos existentes antes.

Avanzar na senda da estabilidade coa reforma do despedimento

Polo tanto, é o momento de seguir avanzando na senda da estabilidade iniciada grazas á reforma, modificando as cuestións que quedaban pendentes, como as costas e causas do despedimento. Pois ben, tal e como concluíu o Comité Europeo de Dereitos Sociais tras a reclamación presentada por UGT, España non cumpre coa Carta Social Europea en materia de despedimento improcedente, non garantindo o dereito das persoas traballadoras a unha protección adecuada.

Así, o sindicato esixe ao Goberno que convoque de xeito urxente o Diálogo Social para adaptar a lexislación española á normativa europea, fixando unha indemnización por despedimento que compense integramente os danos ocasionados e recuperando tamén, entre outras cuestións, os salarios de tramitación, para que o despedimento non sexa tan rendible. para o empresario.

Para UGT, o despedimento debería ser a última das posibles opcións, priorizando outras vías como a formación e recolocación do persoal dentro da empresa; unha estratexia que, ademais de ser máis eficiente para a organización, proporciona ás persoas traballadoras un extra de seguridade e estabilidade nos seus postos de traballo.

Datos principais na Provincia da Coruña

- En agosto rexistráronse un total de 47.118 persoas en situación de desemprego, 329 persoas máis que o mes anterior. En termos anuais, o paro baixou en 4.409 persoas (-8,56%).

- Neste mes hai 71 homes e 258 mulleres máis rexistradas como paradas con respecto a xullo. En termos anuais, o paro feminino baixou en 2.634 mulleres e o masculino en 1.775 homes. As mulleres representan o 59,4% das persoas desempregadas.

- O número de mozos e mozas inscritos como desempregados ascendeu a 1.681 en agosto, o que supón un aumento de 26 persoas menores de 25 anos desempregadas máis que en xullo. En termos interanuais, o desemprego entre os menores de 25 anos diminuiu en 269 menores de 25 anos desempregados menos.

- Respecto das persoas traballadoras estranxeiras na Coruña, o número de parados rexistrados aumenta en xullo en 45 persoas; chegando a un total de 3.604 persoas estranxeiras desempregadas. En termos anuais obsérvase un aumento de 79 persoas estranxeiras desempregadas máis.

- A información por sectores amosa un aumento de 329 persoas paradas. Se produce unha diminución nos sectores do agro en 23 persoas e 10 persoas no sector da construción. Pola contra, prodúcese un aumento de 324 persoas no sector servizos, 33 persoas na industria e 5 persoas no colectivo sen emprego anterior.

- O número de persoas afiliadas á Seguridade Social aumenta en 40 persoas en agosto , ata alcanzar unha media de 473.832 persoas afiliadas.

- O número de contratos totais foi de 26.464, dos cales 6.703 foron de carácter indefinido.

- O peso das persoas traballadoras fixas de agosto sobre o total dos contratos sitúase neste mes no 25,3%.