Os sindicatos UGT e CCOO e a multinacional sueca de moda H&M alcanzaron un principio de acordo para mellorar as condicións laborais e salariais, motivo polo que se viñeron celebrando paros parciais e dous días de folga.
Tras intensas negociacións na sede do SIMA, alcanzouse un acordo coa empresa que entendemos que da as respostas ás demanda do persoal de H&M:
– Incentivo sobre vendas para todas as posicións da tenda de ata 50€ mensuais, ligado á presenza efectiva. Este incentivo terá unha vixencia ata 2025, (segundo ano fiscal H&M) antes de que finalice farase unha avaliación conxunta coa empresa para ver as condicións da continuidade do incentivo
– Garántese un plus de responsabilidade minimo por categoría, aplicable a Store Manager, Department Manager, Visual Merchandiser e COR. Non compensable nin absorbible. Abónase en 14 pagas e será proporcional á xornada. Con efectos 1 de xullo 2023. Aquelas persoas cuxo plus voluntario ou plus controller sexa superior ao plus de responsabilidade terán 2 conceptos: Plus de responsabilidade con estas cantidades e o resto quedará no concepto de plus voluntario. Quen non o teña, abonaráselle.
– Incremento salarial para Salgues Advisors, con efectos 1 de xullo de 2023. Abonarase un complemento de mellora salarial, que non será compensable nin absorbible, que  se distribuirá en 14 meses e cuxo valor será de 1000€ brutos a un tempo completo e proporcional á xornada.
– Faranse novaciones contractuais a 60 persoas a tempo parcial mediante a consolidación das horas complementarias e/o ampliacións de xornada efectivamente realizadas nos 5 últimos meses. Incremento de recursos efectivos en 91 tendas. Retírase a proposta da empresa de rebaixar o pago das baixas por enfermidade (complemento IT). E Créase unha comisión de seguimento deste acordo.