Os datos do paro rexistrado publicados polo SEPE, correspondentes ao mes de novembro, indican un descenso de 816 persoas desempregadas con respecto ao mes anterior. Con iso, o número total de persoas en situación de paro sitúase en 52.433. En comparación co mesmo mes do ano anterior, hai 4.696 persoas menos paradas.

En termos estatais, prodúcese un descenso de 24.573 persoas desempregadas con respecto ao mes anterior, hai 146.549 persoas menos paradas que en novembro do ano anterior e, o número total de persoas en paro sitúase en 2.734.831.

Contratación e afiliación

Segundo os datos facilitados, no mes de novembro rexistránronse 24.683 contratos, dos cales o 32,36% son indefinidos. En termos acumulados rexistráronse un total de 288.457 contratos cun 33,31% indefinidos.

No que se refire ás persoas afiliadas á Seguridade Social, este mes o seu número redúcese en 995 persoas, sendo a afiliación total de 461.541 persoas. Aínda que en termos mensuais, a afiliación cae un 0,22%, en termos interanuais, a afiliación aumenta en 8.003 persoas (1,76%).

Hai que potenciar os Servizos Públicos de Emprego

No que se refire ás prestacións por desemprego, o número de beneficiarios da prestación situouse en outubro en 31.240 persoas, lixeiramente inferior ao do mesmo mes do ano anterior (31.359 personas beneficiarias). Con este nivel de protección, a taxa de cobertura no mes de outubro foi do 65,78%. Non obstante, cómpre acelerar a revisión desta taxa, para que reflicta adecuadamente os cambios producidos no mercado laboral tras a reforma, e especialmente tras o incremento da contratación indefinida descontinua. 

Coñecer a cobertura real do sistema de protección por desemprego é o primeiro paso antes de abordar ningunha reforma de maior envergadura no mesmo, tal e como se propón para a súa dimensión asistencial. Neste sentido, UGT demanda que calquera reforma neste ámbito se produza no marco do Diálogo Social.

Para UGT, calquera reforma que afecte ás prestacións por desemprego debe facerse baixo a premisa de protexer máis e mellor ás persoas desempregadas, facilitando o seu acceso para ampliar a súa cobertura e evitar culpas absurdas ás persoas desempregadas. Dada a escasa contía da subsidio, é evidente que ninguén prefire cobrala a ter un traballo e percibir un salario digno. Os problemas de acceso ao mercado laboral débense atopar na ineficacia das actuais políticas activas de emprego, cuxa recente reforma non solucionou. Por outra banda, hai que reforzar o cadro de persoal dos Servizos Públicos de Emprego, incluído o número de orientadores de carreira, como único xeito de ofrecer ao desempregado un itinerario personalizado que contribúa efectivamente á súa inserción no mercado laboral.

Datos principais na Provincia da Coruña

- En novembro rexistráronse un total de 52.433 persoas en situación de desemprego, 816 persoas menos que o mes anterior. En termos anuais, o paro baixou en 4.696 persoas (- 8,22 %).

- Neste mes hai 106 homes e 710 mulleres menos rexistradas como paradas con respecto a outubro. En termos anuais, o paro feminino baixou en 3.003 mulleres e o masculino en 1.693 homes. As mulleres representan o 58,43% das persoas desempregadas.

- O número de mozos e mozas inscritos como desempregados ascendeu a 2.186 en novembro, o que supón un descenso de 131 persoas menos desempregadas que en outubro. En termos interanuais, o desemprego entre os menores de 25 anos diminuiu un 6,5 % (143 mozos desempregados mais).

- Respecto das persoas traballadoras estranxeiras na Coruña, o número de parados rexistrados aumenta en novembro en 33 persoas; chegando a un total de 3.946 persoas estranxeiras desempregadas. En termos anuais obsérvase un aumento do 4,2 %, o que supón 167 persoas estranxeiras desempregadas máis.

- A información por sectores amosa unha diminución de 816 persoas paradas. Se produce un aumento nos sectores: agro de 11persoas paradas e 13 persoas no sector da construción; e no resto de sectores amosa un descenso de 48 persoas na industria, 582 no sector servizos e 210 no colectivo sen emprego anterior.

- O número de persoas afiliadas á Seguridade Social diminue en 995 persoas en novembro, ata alcanzar unha media de 461.541  persoas afiliadas.

- O número de contratos totais foi de 24.683, dos cales 7.988 foron de carácter indefinido.

- O volume de contratos diminúe en termos anuais nun 11,30 %, os temporais fano nun 11,47 % e os indefinidos nun 10,92 %. O peso das persoas traballadoras fixas de novembro sobre o total dos contratos sitúase neste mes no 32,36 %.