No día de hoxe as persoas traballadoras en Abai Business Solutions convocaron unha folga de 24 horas. Así mesmo, realizaron unha manifestación polas rúas de Matogrande baixo o lema " Abai e Movistar terrorismo laboral”.

Dende a adquisición de Extel por parte de Abai, o persoal está a sufrir un progresivo deterioro das condicións laborais, todo isto, mentres a mercantil anuncia ingresos millonarios na prensa.

A dirección da empresa nas últimas semanas despediu a 15 persoas, ademáis de propiciar un incremento inhumano da carga de traballo, acompañado por unha ola de presión e a pretensión de recortar os sistemas de retribución variable.

O 15 de xuño, a empresa comunica á representación legal das persoas trabajadollas que deixaba de prestar o servizo de rastreo da Xunta, sin aclarar o motivo da finalización da campaña, a pesar de que o contrato tiña unha vixencia inicial dun ano, cun presuposto que segundo a prensa ascendía a case 14 millóns de euros. O servizo caracterirouse por contratos precarios (a tempo parcial e temporais) e por unha organización caótica, que implicou a vulneración dos dereitos laborais das personas traballadoras, así como retrasos nos pagamentos dos finiquitos.

Ademáis, a empresa está a recortar os sistemas de incentivos, o que significa unha perda sustancial do poder adquisitivo para parte das persoas traballadoras, nun sector maiormente feminizado e que leva máis de dous anos ca negociación do convenio colectivo bloqueado.

Esta situación está a perxudicar a saúde do cadro persoal, formado por más de 600 personas traballadoras.